★ ძველ ქართულ რეკლამაზე ბევრი არაფერი ვიცით. დიდი ხნის განმავლობაში, ეს საოცრად მიმზიდველი მასალა მხოლოდ ძველი გაზეთების ფურცლებზე ცოცხლობდა. თან საკითხავის სერიის ფარგლებში გამოცემული წიგნით - „ძველი ქართული რეკლამა“ ჩვენი წინაპრების რეკლამისადმი დამოკიდებულებისა და საუკუნის წინანდელი ტენდენციების ჩვენება ვცადეთ. 

დღევანდელი გადმოსახედიდან, როდესაც სარეკლამო სფეროში კოლოსალური თანხები იხარჯება, ალბათ გასაკვირია, თუ რა მარტივი მეთოდებით ცდილობდნენ წარსულში მეწარმეები საკუთარი პროდუქტითა და სერვისით კლიენტის დაინტერესებას.

ძველი ქართული რეკლამა • კარიკატურა

★ სარეკლამო განცხადებები ძველი ქართული გაზეთების ფურცლებზე, მისი განთავსების წესები, აქტუალური თემები და სარეკლამო ხრიკები...

რესპონდენტი: გიორგი ჭეიშვილი – ჟურნალისტი, ძველი თბილისის მკვლევარი

ავტორი: მარიამ ჩოჩია

„ახალი დღე“ - თბილისი ადრე და ახლა | 4.10.2019

სტუმარი: გიორგი ჭეიშვილი - ჟურნალისტი/ძველი თბილისის მკვლევარი.

★ გურული მოჯირითეები ამერიკაში, მკითხავები ძველ თბილისში და პირველი სატელეფონო კავშირი საქართველოში.

„1001 ზღაპარი საქართველოზე“ - წიგნი, რომელშიც მეცხრამეტე საუკუნის საქართველოს ცნობებს და რიგითი ადამიანების თავსგადამხდარ რეალურ ისტორიებს ამოიკითხავთ.

🎥 ანა მასხარაშვილის სიუჟეტი

„1001 ზღაპარი საქართველოზე“ - გიორგი კეკელიძის რუბრიკა | 10.09.2019

სტუმარი: გიორგი ჭეიშვილი - ჟურნალისტი/ძველი თბილისის მკვლევარი.

#სახლისკენ - „1001 ზღაპარი საქართველოზე“, 10.09.2019

გიორგი ჭეიშვილის ტრილოგია „1001 ზღაპარი საქართველოზე“

გადაცემაში „სახლისკენ“ აღნიშნულ ტრილოგიაზე, მისმა ავტორმა, ჟურნალისტმა და ძველი თბილისის მკვლევარმა, გიორგი ჭეიშვილმა ისაუბრა.

პიკის საათი - „1001 ზღაპარი საქართველოზე“, 24.05.2019

პირველ ტომში 1886-1890 წლების 333 ამბავია შესული.

ჩვენთვის უცხო და უცნობი ამბები, ერთი შეხედვით, იმ ეპოქაზე მოთხრობილ ზღაპრებს ჰგავს. თუმცა, ეს არ ნიშნავს, რომ ზღაპრის ბოლო აუცილებლად კეთილია, რადგან ადამიანის ცხოვრება ხშირად შემაძრწუნებელი, სახიფათო და წარმოუდგენელი მოვლენებითაა სავსე. სამაგიეროდ ენა, რომლითაც ეს ამბებია მოთხრობილი, ნამდვილად ზღაპრულია და იმ შორეულ, მრავალეთნიკურ და ჭრელ ქვეყანაში მომხდარ დაუჯერებელ მოვლენებს ასახავს, რომელსაც მაშინ საქართველო წარმოადგენდა.

სტუმარი: გიორგი ჭეიშვილი - ჟურნალისტი/ძველი თბილისის მკვლევარი
წამყვანები: სოფო გოდუაძე და ნიკა ლობილაძე
პროდიუსერი: ეკა ტალახაძე

★ „ეგ ოხერი ჩვენი ისტორია... მარტო ომებისა და მეფეების ისტორიაა, ერი არსადა ჩანს, მე კი ასეთი აგებულების ადამიანი ვარ, რომ მეფეების და ომების სახე არ მიმიზიდავს ხოლმე. საქმე ხალხია და ხალხი ჩვენს ისტორიაში არა ჩანს“, - ილია ჭავჭავაძე

ილიასი არ იყოს, ჩვენც ხშირად ვსაუბრობთ იმაზე, რომ საქართველოს ისტორია მეფეების ისტორიაა, რომელიც არ ცნობს და შესაბამისად, არც იცნობს უბრალო ხალხს, მათ ყოველდღიურობას, იშვიათ მოვლენებს, მათი ცხოვრების წესს, ტრადიციებს, თავგადასავლებს, ან თუნდაც უბრალო ამბებს.


ჩვენი უახლოესი წინაპრების ისტორია, მათთან დაკავშირებული ამბები, დაკარგული განძია. თუკი მათი ყოველდღიური ცხოვრების ქრონიკას თუნდაც ზედაპირულად გადავავლებთ თვალს, პირველ ყოვლისა, ბებია-ბაბუების, დიდედებისა და პაპების მონათხრობი ამბები და ფრაზები გაგვახსენდება და ჩვენი წარსულის ფაზლის ნამსხვრევები ნელ-ნელა მეხსიერების კუთვნილ ადგილებს მოერგება.

1001 ზღაპარი საქართველოზე - ტომი I

ტრილოგია „1001 ზღაპარი საქართველოზე“ 1886-1900 წლების ადამიანების, საქართველოს ქალაქებსა და სოფლებში მომხდარ წარმოუდგენელ ამბებს აერთიანებს, რომლებსაც, თავის დროზე, ილია ჭავჭავაძე გაზეთ „ივერიას“ ფურცლებზე აცნობდა მკითხველს.

1001 ზღაპარი საქართველოზე - ტომი II

ჩვენთვის უცხო ეს ისტორიები, ერთი შეხედვით, იმ ეპოქაზე მოთხრობილ ზღაპრებს ჰგავს. ეს არ ნიშნავს, რომ მათი ბოლო აუცილებლად კეთილია, თუმცა ენაც კი, რომლითაც მრავალეთნიკურ, ჭრელ, ერთდროულად – ევროპულ და აზიურ ქვეყანაში მომხდარი ამბებია მოყოლილი, ნამდვილად ზღაპრულია.

1001 ზღაპარი საქართველოზე - ტომი III

ტრილოგია - 1001 ზღაპარი საქართველოზე

P.S. ხაზგასმით აღსანიშნავია, რომ ნებისმიერი ფრაზა, ან სიტყვა, რომელიც მკითხველმა არაპოლიტკორექტულად, ან შეურაცხმყოფლად შეიძლება მიიჩნიოს, მხოლოდ და მხოლოდ იმ ეპოქისთვის დამახასიათებელი ტერმინები და ფრაზებია. წიგნში მათი უცვლელად გადატანა არავის შეურაცხყოფას არ ისახავს მიზნად.

„მარტო ამ წიგნს რომ გაყვე, შესანიშნავ დოკუმენტურ ფილმს გაამზადებ“

★ „ვინ არ იცის ჩვენს დროში განცხადებათა მნიშვნელობა? ხალხთა ცხოვრებაში განცხადება ისეთს უცილობელს საჭიროებას შეადგენს, ვითარცა „პური ჩვენი არსობისა“, - გაზეთი „ცნობის ფურცელი“, 1897 წელი...

გიორგი ჭეიშვილის მიერ წიგნად გამოცემული ძველი ქართული რეკლამები...

გაზეთი „ცნობის ფურცელი“, 1897 წ.

„წიგნის დრო“ - ძველი ქართული რეკლამა, 13.07.2018

რძის ფქვილი „ნესტლესი“, ბენზინით მოძრავი ველოსიპედები, საღეჭი კამფეტი - „გუმმი პეპსინი“, ფხვნილი თმის და ბალნის მოსაცილებლად, საქალებო მაღაზია პორტუგალოვისა, სრულიად უშიშარი შვედური სპიჩკები, საკერავი მაშინები „ზინგერისა“, თუთიყუშები სტამბოლიდგან და ოქროს ფერი თევზები, ფრენა ჰაეროსტატით – მართალია, რეკლამამ ხასიათი იცვალა, მაგრამ საუკუნეზე მეტი ხნის წინ, რეკლამის დამკვეთები მედიას ისევე აქტიურად იყენებდნენ, როგორც დღეს.



„ხალხთა ცხოვრებაში განცხადება ისეთს უცილობელს საჭიროებას შეადგენს, ვითარცა პური ჩვენი არსობისა“ - ასე ფიქრობდნენ XIX საუკუნის ბოლოსა და XX საუკუნის დასაწყისის ქართველი მედია-მენეჯერები. მათ მიაჩნდათ, რომ სარეკლამო განცხადების გარეშე არაფერი კეთდება.

წინამდებარე გამოცემა გაზეთ „ივერიასა“ და „ცნობის ფურცელში“, 1886-1909 წლებში გამოქვეყნებულ, გამორჩეულ სარეკლამო განცხადებებს აერთიანებს. წიგნში თავმოყრილი მასალით, ჩვენი წინაპრების რეკლამისადმი დამოკიდებულებისა და საუკუნის წინანდელი ტენდენციების ჩვენება ვცადეთ.

დღევანდელი გადმოსახედიდან, ამ წიგნში თავმოყრილ სარეკლამო განცხადებებს, კამპანიებსა და მარკეტინგულ გათვლებს, ერთი საერთო ნიშანი - საოცარი მიამიტობა ახასიათებს. დღეს, როცა ამ სფეროში კოლოსალური თანხები იხარჯება, ალბათ გასაკვირია, თუ რა მარტივი მეთოდებით ცდილობდნენ წარსულში მეწარმეები საკუთარი პროდუქტითა და სერვისით კლიენტის დაინტერესებას.

ძველ ქართულ რეკლამაზე ბევრი არაფერი ვიცით. დიდი ხნის განმავლობაში, ეს საოცრად მიმზიდველი მასალა მხოლოდ ძველი გაზეთების ფურცლებზე ცოცხლობდა, ამ წიგნით კი ჩვენ ის ყველასთვის ხელმისაწვდომი გავხადეთ.

იმედია, რომ ეს გამოცემა მკითხველებისთვის, მათ შორის საკითხით პროფესიულად დაინტერესებული ადამიანებისთვის, საეტაპო მნიშვნელობის წიგნად იქცევა და ხან ღიმილის საბაბს მისცემს, ხანაც კი სასიამოვნოდ გააოცებს.

ძველად, როცა ეს სარეკლამო განცხადებები იქმნებოდა, ამბობდნენ:

„ისეთი არა არის რა ცხოვრებაში, რომ ამა თუ იმ საშუალებით განცხადებას არ საჭიროებდეს“.

წინამდებარე ტექსტიც ავტორის განცხადებად ჩათვალეთ, წიგნისდა სასარგებლოდ და თქვენდა საყურადღებოდ...